Ohiko galderak

Izan ere, ulertzen dugu pausoa eman aurretik erantzun argiak behar dituzula.

Zalantzaren bat duzu?

Pro Arkia-n, lehen unetik ondoan senti zaitezen nahi dugu. Gure bezeroek izan ohi dituzten zalantza ohikoenak erantzungo ditugu hemen. Bila zabiltzana aurkitzen ez baduzu, idatz iezaguzu eta gustura lagunduko dizugu.

Nola jakin dezaket abokatu bat behar dudan?

Lege-zalantzak badituzu, gatazka baten erdian bazaude edo, besterik gabe, segurtasunez erabakiak hartu nahi badituzu, une egokia da guri kontsulta egiteko. Ez dago itxaron beharrik arazoa handitu arte: prebenitzea ere gure lanaren parte da. Gure laguntza behar baduzu, idatzi info@proarkia.com helbidera

Nolakoa da Pro Arkiarekin izandako lehen harremana?

Lehenengo harremana bilera bat izaten da, non zure egoeraren berri ematen diguzun eta nola lagundu dezakegun baloratzen dugun. Hasieratik eroso, entzunda eta ondo informatuta sentitzea nahi dugu.

Zenbat balio du zuen zerbitzuak kontratatzeak?

Kasu bakoitza desberdina da, horregatik eskaintzen ditugu aurrekontu pertsonalizatuak eta gardenak. Lehenengo kontsultan argi azalduko dizkizugu ordainsariak, ezustekorik eta letra txikirik gabe.

Arreta presentziala eta online eskaintzen duzue?

Bai. Tolosan dugun bulegoan zein online artatzen dugu. Zure beharretara egokitzen gara, zauden tokian zaudela aholkularitza jaso dezazun.

Zenbat denbora behar da kasu bat argitzeko?

Prozedura-motaren eta tartean dagoen organo judizialaren araberakoa da. Hala ere, une oro informatuta egoteko eta pauso bakoitza ahalik eta azkarren emateko konpromisoa hartzen dugu.

Zer gertatzen da nire egoera ez bada erabat legala, baina orientazioa behar badut?

Askotan, unean uneko aholku juridiko batek erabaki hobeak hartzen lagun diezazuke. Ez dago prozedura irekirik eduki beharrik guk laguntzeko.

Zer zerbitzu-mota eskaintzen dituzue?

Zuzenbidearen hainbat adarretan lan egiten dugu: zibila, penala, atzerritarra, administratiboa, enpresariala, bankukoa, finken administrazioa eta landa lurrekin lotutako gatazkak./eliminar Bakoitzaren xehetasunak Zerbitzuak atalean ikus ditzakezu.

Abokatuz alda dezaket aurretik beste bat baldin badut?

Bai. Behar duzun laguntza jasotzen ari ez zarela sentitzen baduzu, abokatuaren aldaketa eska dezakezu.

Nola babesten duzue nire kasuaren konfidentzialtasuna?

Konfidentzialtasuna zutabe bat da gure lanean. Gurekin partekatzen duzun informazio guztia sekretu profesionalak babestuta egongo da, eta zure interesak defendatzeko bakarrik erabiliko da.

Eta ez badakit nondik hasi edo zer zerbitzu behar dudan?

Ez kezkatu. Zure egoeraren berri eman diezagukezu, eta guk zer laguntza behar duzun esango dizugu. Batzuetan, hitz egitea besterik ez da behar bidea aurkitzen hasteko.